உணவுப் பாதுகாப்பு அலுவலர்களுக்கு நடத்தை விதிகளை அறிவிக்கக் கோரிக்கை

நடத்தை விதிமுறைகளை விரைவில் அறிவிக்க வேண்டும் என உணவுப் பாதுகாப்பு அலுவலர்கள் கோரிக்கை விடுத்துள்ளனர்.
உணவுப் பாதுகாப்பு அலுவலர்கள் சங்க மாநில செயற்குழுக் கூட்டம், சங்கத் தலைவர் ஆ.போஸ் தலைமையில் கடலூரில் சனிக்கிழமை நடைபெற்றது.
கூட்டத்தில் நிறைவேற்றப்பட்ட தீர்மானங்கள்:
மாவட்டம்தோறும் அடிப்படை கட்டமைப்பு வசதிகளுடன் அலுவலகங்களை ஏற்படுத்த வேண்டும். இன்றைய சூழலில் எல்லாமே ஆன்-லைன் என்ற முறையில் செயல்படுகிறது. எனவே, அனைத்து அலுவலர்களுக்கும் லேப்-டாப் வழங்குவதுடன், களப்பணி உதவியாளர்களை நியமிக்க வேண்டும். மத்திய அரசின் வழிகாட்டுதல்படி மாவட்ட நியமன அலுவலர் பதவியை ஏற்படுத்தவேண்டும்.
உணவுப் பாதுகாப்பு அலுவலர்களுக்கான நடத்தை விதிமுறைகளை விரைந்து முடித்திட வேண்டும்.
மாநில பொதுச்செயலர் ஈ.கோவிந்தசாமி, பொருளாளர் டி.ரவிச்சந்திரன், மண்டல ஒருங்கிணைப்பாளர் சி.ரவிக்குமார், மாவட்ட உணவுப் பாதுகாப்பு அலுவலர் எம்.பி.ராஜா உள்ளிட்டோர் பங்கேற்றனர்.